მაია ყამბეგაშვილი პროფესიით ეკონომისტია, ფრანკფურტის გოეთეს უნივერსიტეტში სწავლის დასრულების შემდეგ, მუშაობა ადგილობრივ ბანკში დაიწყო და პარალელურად, მუსიკალურ საქმიანობასაც ეწევა: მისი სიმღერები გერმანულ რადიოებში ტრიალებს, იქაურ ცნობილ კლუბებში, ელექტრონული მუსიკის ფესტივალებზე, კონცერტებზე მღერის და სულ მალე, ფრანკფურტელ დიჯეისთან, დენ ბეისთან ერთად ალბომსაც გამოსცემს, რომელშიც ერთი წლის განმავლობაში დაგროვებული ათი სიმღერა შევა.
- 18 წლის ვიყავი, გერმანიაში რომ გავემგზავრე და თითქმის 14 წელია, იქ ვცხოვრობ. თავიდან ჩემს დასთან ჩავედი ენის კურსების გასავლელად. იქაურობა ძალიან მომეწონა, მაგრამ თბილისში
/* (c)AdOcean 2003-2017, Advertline.http:www.ambebi.ge.ambebi zones.________ _____ */
ado.slave('adoceanadvertlinegexgjtpwgtix', {myMaster: 'JMAMEgzB7aCnHl4YFlohfVnNXPY7F8b2mm8Ixy9EHUf.t7' });
მაინც დავბრუნდი, რადგან აქ ეკონომიკურ ფაკულტეტზე ვსწავლობდი. მერე ყველანაირი საბუთი მოვამზადე და კვლავ გავემგზავრე, იქ კოლეჯი დავამთავრე და სწავლა უნივერსიტეტში განვაგრძე. პარალელურად სხვადასხვა ადგილას ვმუშაობდი. უნივერსიტეტის დამთავრებისთანავე, მუშაობა ჰოლანდიელების ბანკში შემომთავაზეს. ოთხი წელია, რაც გერმანულ ბანკში გადავედი.
- გერმანიაში თავის დამკვიდრება და სასურველი სამსახურის პოვნა იოლი არ იქნებოდა, მით უმეტეს, უცხოელისთვის. როგორ გაიარეთ ეს გზა?
- მართლაც, ძალიან რთულია, მით უმეტეს, შეთავსება, შეწყობა, რადგან არ იცი, როგორები არიან, რა მოსწონთ, როგორ უნდა მოიქცე - ქართველები უფრო გულღია ხალხი ვართ, ისინი ცოტა უფრო ჩაკეტილები არიან. ხომ წარმოგიდგენიათ, როგორი შეიძლება იყოს გერმანული ბანკი - ძალზე ტრადიციული, სადაც მხოლოდ გერმანულად უნდა ისაუბრო. მათთან ერთად, პროფესიულად გავიზარდე, ბევრი რამ ვისწავლე. სამუშაო პროცესი საინტერესოა. ოჯახი და შვილები ვისაც ჰყავს, საათების მხრივ, დიდი ხელშეწყობა აქვთ - შეუძლიათ, დილის 6 საათზე მივიდნენ და მერე, ადრე წავიდნენ. ბანკში ბაღიც გვაქვს, სადაც ბავშვების დატოვებაც შეუძლიათ. 3 000 თანამშრომელია, ძალიან ოჯახური სიტუაციაა.
მთელი დღე დატვირთული ვარ, მოდუნების საშუალება არ მაქვს, სულ კონცენტრირებული უნდა ვიყო, პრეზენტაციების გაკეთება და ივენთების ორგანიზებაც მევალება. მრავალმხრივი საქმიანობა მაქვს. ჩემს უშუალო უფროსს სტატისტიკების კეთებაშიც ვეხმარები და ა.შ. თუმცა, ზუსტად 6 საათზე ჩემი სამუშაო დრო დასრულებულია. მერე სიმღერაზე გავრბივარ. რთული რეჟიმია, მაგრამ შევეჩვიე.
- განტვირთვას თუ ახერხებთ, როგორ ერთობით? თქვენი და რას საქმიანობს გერმანიაში?
- ხშირად დავდივარ კულტურულ ღონისძიებებზე, ფრანკფურტში "ალტე ოპერაა", ულამაზესი და იქ ქართველი მუსიკოსებიც ხშირად ჩამოდიან. ცოტა ხნის წინ, ხატია ბუნიათაშვილი იყო. თეატრშიც დავდივარ. მე და ჩემს დას ქართული ეკონომიკურ-კულტურული საზოგადოება გვაქვს და სხვადასხვა ღონისძიებას ვმართავთ. მაგალითად, 17 დეკემბერს ნანი ბრეგვაძე უნდა ჩავიყვანოთ. ვცდილობთ, ქართული კულტურა წარმოვაჩინოთ. ჩემი და გერმანულ პოლიტეკონომიკურ საქმეებშიცაა ჩართული, ერთ-ერთი აქტიური წევრია გერმანული ქრისტიანულ-დემოკრატიულ პარტიის.
- პირველი მუსიკალური ნაბიჯები გაიხსენეთ...
- სკოლაში მისვლამდე, კახეთში, ბებიასთან ვიზრდებოდი და ბაღში სცენაზე ვმღეროდი. თბილისში გადმოსვლის შემდეგ, პიონერთა სასახლეში, ქალბატონ ციცინო ციცქიშვილთან დავიწყე სიარული ვოკალზე, გამოსვლებიც გვქონდა. მაშინ, ლიტვა-ლატვიაში გასტროლზეც ვიყავით. ახლა ბევრს ვმოგზაურობ. წელიწადში ექვსი კვირა მაქვს შვებულება და ვცდილობ, ისე გავანაწილო, რომ ბევრგან წავიდე. წელიწადში 3-4 ქვეყანას ვნახულობ. შარშან ნიუ-იორკში გადავიხადე დაბადების დღე. იტალია ძალიან მიყვარს, უახლოეს პერიოდში კი ვენაში მივფრინავ...
განაგრძეთ კითხვა