კლუბ "ბასიანთან" მომხდარ ინციდენტში ბრალდებული თამაზ ქვლივიძის ადვოკატ ზაზა მესხსა და "ბასიანის" დამფუძნებელ ნაჯა ორაშვილს შორის "პალიტრანიუსის" გადაცემაში "360 გრადუსი" სიტყვიერი დაპირისპირება მოხდა. ორივე მხარე მიუთითებს, რომ სასამართლოზე მიმდინარეობს ზეწოლა.
"ძალიან არასწორი ფაქტი ხდება, როდესაც სასამართლოს გარედან აძლევენ დავალებას, თუ ვინ დაიჭირონ და რა გადაწყვეტილება გამოიტანონ. ეს არის დაშანტაჟება. უკეთესი იქნება მიხედოთ თქვენს დაქვემდებარებულ ღამის კლუბს. ნარკოტიკების გასაღება და ვაჭრობა ხდება", - მიმართა მესხმა ორაშვილს.
ნახეთ ვიდეოთავის მხრივ, ორაშვილმა აღნიშნა, რომ "ზუსტად ბრალდებულის მხარემ ჩაიდო ჯიბეში სასამართლო, რასაც მოჰყვა ქვლივიძის გათავისუფლება".
"დაშანტაჟება თქვენ მოაწყვეთ ზუსტად, რომ გირაოთი გამოვიდა ასეთი ბრალდების მქონე ადამიანი. სასამართლო თქვენ ჩაიდეთ ჯიბეში. მსგავსი პრაქტიკა არ არსებობს, რომ ასეთი ბრალდების მქონე ადამიანი იყოს გარეთ. სჯობდა შეფარდებოდა პატიმრობა აღმკვეთი ღონისძიების სახით და არც საზოგადოება აღელდებოდა, არც შსს და არც პროკურატურა. რაც ხდება კლუბში ყველამ, კარგად იცის, შსს-მაც, პროკურატურამაც და მთელმა საზოგადოებამ", - განაცხადა ორაშვილმა.
You must have
Flash Player installed in order to see this player.
სიახლეები
