სამშობლოში თურქეთში მომხდარი ავარიის დროს დაშავებული საქართველოს კიდევ ორი მოქალაქე დაბრუნდა.
როგორც "ინტერპრესნიუსის" კორესპონდენტი ადგილიდან იუწყება, დედა-შვილ დავითაძეებს სარფის საბაჟოსთან ოჯახის წევრები და აჭარის ჯანდაცვის მინისტრი ზაალ მიქელაძე დახვდნენ.
მინისტრის განცხადებით, დედა-შვილი თავს კარგად გრძნობს, თუმცა დამატებითი გამოკვლევებისთვის ბათუმის დედათა და ბავშვთა სამედიცინო ცენტრში იქნებიან გადაყვანილი.
მისივე ინფორმაციით, თურქეთში ამ დროისთვის 5 დაშავებული მოქალაქე რჩება, რომელთაგან ერთის მდგომარება მძიმეა.
ავტოსაგზაო შემთხევა 16 ივლისს, ტრაპიზონიდან 120 კილომეტრში, გირესუნის მახლობლად მოხდა. გასტროლებზე ბულგარეთში მიმავალი ავტობუსი, რომელშიც 38 ადამიანი იმყოფებოდა, გზიდან გადავიდა და ამობრუნდა.
სიახლეები
