ჩინეთში მეწყერის ჩამოწოლის შედეგად ამ მომენტისთვის ხუთი ადამიანის სიკვდილი დადასტურდა, 120 ადამიანი დაკარგულად ითვლება, - იუწყება სააგენტო "სინჰუა".
გავრცელებული ინფორმაციით, რამდენიმესაათიანი სამაშველო სამუშაოების შემდეგ ნანგრევებიდან მხოლოდ სამი ადამიანის ამოყვანა მოხერხდა.
ჩინეთის ლიდერმა სი ცზინპინმა განკარგულება გასცა სამაშველო სამუშაოების გააქტიურების შესახებ, რათა მსხვერპლის რაოდენობა შემცირდეს.
სამაშველო სამუშაოებში 540-ზე მეტი ადამიანი მონაწილეობს, მათ შორის მეხანძრეეები, ექიმები. ასევე ჩართულია მძიმე ტექნიკა.