7. სექსი - ის, რაც შენს საძინებელში ხდება, იქვე უნდა დარჩეს. არასდროს მოუყვე მეგობრებს ინტიმური დეტალების შესახებ. უხერხულია, თუ თქვენს საუბარს შენი საყვარელი ადამიანი შეესწრება. ხოლო თუ არ შეესწრება, უბრალოდ არაეთიკურია სექსის განხილვა მეგობრებთან. მხოლოდ ის ამბები შეგიძლია მოუყვე მეგობრებს, რაც მათ შენი საყვარელი ადამიანი მიმართ დადებითად განაწყობს. 6. კამათი, ჩხუბიადამიანს ყოველთვის სჭირდება მსმენელი, ვისაც თავის დარდსა თუ სიხარულს გაუზიარებს. ნუ მოუყვები მათ კამათის შესახებ. რამდენიმე დღეში შენ და შენი საყვარელი ადამიანი შერიგდებით. შენს დაქალებს კი დაწვრილებით ემახსოვრებათ ჩხუბის მიზეზი და დეტალები და ხშირადაც გაგახსენებენ მათ. ყველა ჩხუბობს, მაგრამ ნუ გააგებინებ ამას დაქალებს. 5. ფინანსური პრობლემებიშეგახსენებთ, მხოლოდ შენ შეგიძლია ისე მოიქცე, რომ შენმა დაქალებმა შენს საყვარელ ადამიანს პატივისცენ. თუ შენს მამაკაცს ფინანსური პრობლემები აქვს, ნუ განიხილავ ამ თემას დაქალებთან. დაქალების თვალში შენ ფულზე გადარეული გოგო გახდები; შენს მამაკაცს კი ზურგს უკან ყველა დასცინებს. 4. შენი საყვარელი ადამიანის პირადი პრობლემებიარა, არა და არა! თუ მის ოჯახში უსიამოვნება მოხდა და ეს ამბავი შენ გაგაგებინეს, ესე იგი მისი ოჯახი გენდობა და ამიტომ მომხდარი არავის მოუყვე, შენთვის შეინახე. თუ გაიგეს, რომ მათი ამბავი ქვეყანას მოსდე, ცუდი ამბები კი ელვისებურად ვრცელდება, შენ მიმართ ნდობას დაკარგავენ და შეიძლება თავიდან მოგიშორონ კიდეც. 3. მისი ყოფილებირა საჭიროა დაქალებთან შენი საყვარელი მამაკაცის ყოფილი შეყვარებულების განხილვა? ამით რა მოგემატება?! უბრალოდ ჭორაობაც არ მოგიტანს სიკეთეს. გახსოვდეს, შენმა მეგობარმა ბიჭმა რომ გაგიგოს, შენ დაქალებზე კი არა, შენზე გაბრაზდება. 2. მუდმივი ტირილი და წუწუნიწარმოიდგინე ასეთი სიტუაცია: შენი დაქალი მუდმივად თავის შეყვარებულის უმსგავსო საქციელის შესახებ გიყვება, მოთქვამს და წუწუნებს. რას ურჩევ? რა თქმა უნდა მასთან დაშორებას! პრობლემები და უთანხმოება ყველა წყვილის ცხოვრებაში ხდება. უმჯობესია, თავად გაუმკლავდე უსიამოვნებებს, ვიდრე მეგობრები შენს დანახვაზე ამბობდნენ: აუ, ამან ხომ ტვინი შეჭამა თავისი წუწუნით. 1. შედარებადაქალებთან საუბრისას შენი საყვარელი მამაკაცი არ შეადარო შენს ყოფილებს. ყველას აქვს თავისი მინუსი და პლუსი და მათ შესახებ უმჯობესია მხოლოდ შენ იცოდე. ადრე თუ გვიან შენი შედარებების შესახებ შენი ახლანდელი მამაკაცი გაიგებს და საინტერესოა, რას უპასუხებ? თუ ყოფილი მოგწონდა, რატომ არ დარჩი მასთან. თუ ამჟამინდელი არ მოგწონს, რატომ არ დაშორდები? დაფიქრდი, სანამ ზემოჩამოთვლილ თემებზე დაქალებთან მოგინდება გასაუბრება.  წყარო: ici.ge